ಇರುವೈಲು‌ ಡಾ.ಕೃಷ್ಣಮೂರ್ತಿ ನಿಧನ

ಮೂಡುಬಿದಿರೆ: ಇರುವೈಲು ಗ್ರಾಮದ ದಂಬೆಕೋಡಿ ನಿವಾಸಿ ಡಾ. ಕೃಷ್ಣ ಮೂರ್ತಿ (95) ಶನಿವಾರ ಸ್ವಗೃಹದಲ್ಲಿ ನಿಧನರಾದರು. ಪತ್ನಿ,ಪುತ್ರ, ಇಬ್ಬರು ಪುತ್ರಿಯರನ್ನು  ಅಗಲಿದ್ದಾರೆ.

3 ಅವಧಿಗೆ ಇರುವೈಲು‌ ಮಂಡಲ ಪಂಚಾಯಿತಿ ಅಧ್ಯಕ್ಷರಾಗಿದ್ದರು. ಕೇರಳದ ಎರ್ನಾಕುಲಂನಲ್ಲಿ ಆಯುರ್ವೇದ ಮೆಡಿಕಲ್ ವ್ಯಾಸಂಗ ಮಾಡಿ ಊರಿನ ಜನರಿಗೆ ಸುಮಾರು ಐದು ದಶಕಗಳ ವೈದ್ಯಕೀಯ ಸೇವೆ ನೀಡಿದ್ದಾರೆ. ಇರುವೈಲು ಶ್ರೀದುರ್ಗಾಪರಮೇಶ್ವರೀ ದೇವಸ್ಥಾನದ ಪವಿತ್ರಪಾಣಿಯಾಗಿ ಸೇವೆ ಸಲ್ಲಿಸಿದ್ದರು. ಇರುವೈಲ್ ಮೇಳದಲ್ಲಿ ಹಲವು ವರ್ಷ ಚೆಂಡೆವಾದಕರಾಗಿದ್ದರು