ಮೂಡುಬಿದಿರೆ: ಗುರುವಾರ ಬೀಸಿದ ಗಾಳಿ ಮಳೆಗೆ ಸ್ನಾನ ಗೃಹವೊಂದು ಕುಸಿದು ಬಿದ್ದ ಪರಿಣಾಮವಾಗಿ ಮಹಿಳೆಯೋರ್ವರು ಕಾಲಿನ ಮೂಳೆ ಮುರಿತಕ್ಕೊಳಗಾಗಿ ಆಸ್ಪತ್ರೆಗೆ ದಾಖಲಾದ ಘಟನೆ ಪಡುಮಾರ್ನಾಡು ಗ್ರಾ. ಪಂ. ವ್ಯಾಪ್ತಿಯ ಮೂಡುಮಾರ್ನಾಡಿನಲ್ಲಿ ನಡೆದಿದೆ.
ಮೂಡುಮಾರ್ನಾಡಿನ ನಾಯ್ಲ ಹೊಸಮನೆಯ ರತ್ನಾಕರ ಪೂಜಾರಿ ಅವರ ಮನೆಯ ಸ್ನಾನ ಗೃಹ ಮತ್ತು ಶೌಚಾಲಯ ನಿನ್ನೆ ಮಧ್ಯಾಹ್ನ ಕುಸಿದು ಬಿದ್ದಿದ್ದು ಈ ಸಂದಭ9 ರತ್ನಾಕರ ಅವರ ಪತ್ನಿ ನೀರು ಕಾಯಿಸುತ್ತಿದ್ದರು. ಜೋರಾಗಿ ಬೀಸಿದ ಗಾಳಿ ಮಳೆಗೆ ಸ್ನಾನ ಗೃಹದ ಶೀಟ್ ಕಾಲಿಗೆ ಬಿದ್ದ ಪರಿಣಾಮ ಕಾಲಿನ ಮೂಳೆ ಮುರಿತ ಉಂಟಾಗಿದೆ. ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
